Կա մի շատ կարևոր բաղադրիչ, իրավիճակն արդարացնող բոլոր հղումները տանում են համալսարանից դուրս, օր.՝ երկրի սոցիալ-քաղաքական իրավիճակը: Կրթության համակարգի խնդիրները կրթության համակարգում չեն, դրանք կարող են լուծվել կրթության համակարգի միջոցով, բայց այնտեղ չեն: Անչափ կարևոր է ուսանողների անորոշության խնդիրը հեռանկարի տեսանկյունից. մեծամասնության համար ամենամոտ տեսանելին առաջիկա քննության գնահատականն է: Թվում է, թե եթե ուսանողն ընդունվում է, ինքն արդեն պատկերացնում է, թե ինչ մասնագետ է դառնալու, այնինչ հենց առաջին կուրսից հասկանալի է դառնում, որ այն, ինչ պատկերացրել են, կեղծ էր ու միֆ…
