«Ֆոտոալբոմ» հաղորդման հաջորդ հյուրը հայկական սփյուռքի և գաղթօջախների լավագույն մասագետներից մեկն է` պատմաբան Էլիզաբեթ Թաջիրյանը, ում հետ բացահայտում ենք իր ընտանիքի պատմությունը և թե ինչպես են ապրել աշխարհասփյուռ հայության ներկայացուցիչները:

Ո՞վ ենք մենք և ո՞ւր ենք գնում։ Հաճախ տրվող այս հարցերի պատասխանները տարբեր կարող են լինել։ Էլ ավելի հաճախ այդ հարցերի պատասխանները բխում են ընտանիքի անցյալից։ 21-րդ դարում ընտանիքի անցյալն ուսումնասիրելու համար միջոցները շատացել են, իսկ մենք առաջարկում ենք դրանց հետ աշխատանքի լուծումներ։ «Ֆոտոալբոմ» հաղորդաշարը բացառիկ ճանապարհորդություն է՝ դեպի անցյալ՝ հին հարցերին նորովի պատասխանելու հույսով։