🔹 Վերջին շրջանում ինչո՞ւ են Իրանում հաճախակի ցույցեր տեղի ունենում։
🔹 Արդյո՞ք դա վկայում է իշխանությունների լեգիտիմության ճգնաժամի մասին։
🔹 20-րդ դարի Իրանում հակակառավարական ցույցերի պատմությունը։
🔹 Ի՞նչ փոխվեց բողոքի ամենամեծ ալիքի՝ 2022թ․սեպտեմբերի ցույցերի ժամանակ։
🔹 Արդյո՞ք իրանական ռեժիմը դեռ կկարողանա ապահովել իր կայունությունը։
Ներկայացնում է միջազգայնագետ Ալեն Շադունցը՝ զերծ մնալով միստիֆիկացումներից և մոլորեցումներից, որոնք բնորոշ են օրիենտալիստական և արևմտակենտրոն պրիզմային, որտեղ Իրանը դիտարկվում է որպես, այսպես կոչված, բռնապետական արևելքի մի մաս։
«Իրանագիտություն» գիտակարգը ներառում է դասախոսություններ Իրանի քաղաքական պատմության մասին։ Շարքի դասախոսներն անդրադառնում են Իրանի քաղաքական պատմության ժամանակակից փուլի ամենից առանցքային դեպքերին ու դեմքերին, իրադարձությունները քննում տարածաշրջանային ու ներպետական զարգացումների համատեքստում։
