Արդյո՞ք կարելի է նորարար լինել ցանկացած միջավայրում և ցանկացած պարագայում, ի՞նչ պայմաններ են անհրաժեշտ ստեղծագործելու համար, ի՞նչն է խթանում ստեղծարար մտքի աշխատացումը, ի՞նչ դեր ունեն աշխատավայրը, աշխատանքային մշակույթն ու թիմակիցների միջև հարաբերությունները: Այս և շատ այլ հետաքրքիր հարցերի պատասխանում են Տիգրան Ճորոխյանը և Նայիրի Շորճեանը:
«Կաղապարից՝ գաղափար» հաղորդաշարի շրջանակներում ԿԶՆ ազգային նորարարական կենտրոնի թիմը քննարկում է նորարարությունը տարբեր դիտանկյուններից, կիսվում կենտրոնում կիրառվող գործիքներով, որոնք թույլ են տալիս թե՛ անձնական կյանքում և թե՛ հանրային ու մասնավոր ոլորտներում գլոբալ ազդանշաններն ու միտումները վերածել գիտելիքի՝ մարդակենտրոն, փաստահենք և ճկուն քաղաքականություններ մշակելու և փոփոխվող աշխարհի մարտահրավերներին դիմակայելու համար։
