Ինչպե՞ս կարող ենք դիզայն մտածելակերպը կիրառել մեր աշխատանքում որոշումներ կայացնելիս, ինչո՞ւ է կարևոր ենթադրությունները թեստավորելը, որո՞նք են դիզայն մտածելակերպի հինգ հիմնական գործընթացները, ո՞րն է ընդլայնվող (divergent) և նեղացող (convergent) մտածելակերպերի տարբերությունը, և արդյո՞ք երկուսն էլ անհրաժեշտ են արդյունավետ լինելու համար: Այս և շատ այլ հետաքրքիր հարցերի պատասխանում են Նայիրի Շորճեանը և Ռուզաննա Բալդրյանը:
«Կաղապարից՝ գաղափար» հաղորդաշարի շրջանակներում ԿԶՆ ազգային նորարարական կենտրոնի թիմը քննարկում է նորարարությունը տարբեր դիտանկյուններից, կիսվում կենտրոնում կիրառվող գործիքներով, որոնք թույլ են տալիս թե՛ անձնական կյանքում և թե՛ հանրային ու մասնավոր ոլորտներում գլոբալ ազդանշաններն ու միտումները վերածել գիտելիքի՝ մարդակենտրոն, փաստահենք և ճկուն քաղաքականություններ մշակելու և փոփոխվող աշխարհի մարտահրավերներին դիմակայելու համար։
