Ժամանակին Սարի թաղը համարվել է ավելի բանվորական, աղքատ թաղամաս․ այն նույնիսկ համեմատել են բրազիլական ֆավելաների հետ։ Սակայն սա մի յուրահատուկ վայր է, որտեղ քաղաքի կենտրոնից ընդամենը 10 րոպեում կարելի է հայտնվել կանաչ միջավայրում՝ օդն աղտոտող մեքենաների հոծ բազմության և արտադրամասերից հեռու։
Սարի թաղում կյանքի մասին պատմում է միջազգային զարգացման ծրագրերի կառավարիչ Էսթեր Հակոբյանը։
«Մեր թաղը» հաղորդաշարը նվիրված է Երևանի տարբեր թաղերին ու բակերին: Ամեն հաղորդման ընթացքում ճանաչված մարդիկ պատմում են իրենց թաղի, այդտեղ ապրող մարդկանց, նրանց նիստուկացի մասին` վերհանելով մարդու ու միջավայրի կապը և ցուցադրելով քաղաքային միջավայրի փոփոխությունը: Հաղորդման հերոսը ոչ թե մարդն է, այլ այդ մարդու պատմությունը` իր թաղի մասին:
