Բոլորիս էլ հայտնի է, թե որքան կարևոր է հոգեկան առողջությունը։ Շատերի համար երբեմն անգամ ֆիզիկական ցավն այնքան ծանր չէ, ինչքան տանջող հոգեկան ապրումները։ Հոգեթերապևտի մասնագիտությունն արդեն վաղուց դարձել է մեր առօրյայի անբաժան մասը և այսօրվա դրությամբ մասնագետի մոտ գրանցվելիս պարզվում է, որ հերթը ձգվում է մի քանի ամիս առաջ։
Ի՞նչ է իրենից ներկայացնում հոգեթերապևտի մասնագիտությունը, ո՞րն է պահանջված հոգեթերապևտ լինելու գաղտնիքը: Մարի Ամիրխանյանի «Ինքնորոշում» հեղինակային շարքի այս հանդիպումը նվիրված է հոգեթերապիային։
Մասնագիտության ընտրությունը ժամանակակից մարդու առջև դրված կարևորագույն հարցերից մեկն է: «Ինքնորոշում» նախագիծը նվիրված է ժամանակակից մասնագիտություններին և նրանց հոգեբանական նրբություններին:
