Ռոբերտ Այդաբիրյանի, Ժիրայր Լիպարիտյանի և Թալին Փափազյանի հեղինակած «Սպիտակ Թուղթը․ 2020 թ. Ղարաբաղյան պատերազմը և Հայաստանի ապագա արտաքին ու անվտանգության քաղաքականությունները» փաստաթղթի և Ժիրայր Լիպարիտյանի «Հայաստան-Թուրքիա. Պետականություն, պատմություն, քաղաքականություն» գրքի համատեքստում զրուցում են Աննա Գևորգյանը և պատմաբան, դիվանագետ Ժիրայր Լիպարիտյանը:
Զրույցի հիմնական կետերը`
- Հայաստանի անկախությունը միջո՞ց է, թե՞ նպատակ` ազգային իղձերի իրագործման տեսանկյունից,
- Ինչպես ձևավորվեց ինքնորոշման իրավունքի պահանջը,
- Արդյո՞ք պատմական արդարության վերականգնումը միջազգային իրավունքի նպատակներից է,
- Ռուսաստանը` դաշնակի՞ց, թե՞ միջնորդ,
- Արդյո՞ք հայ հասարակության մեջ տրամադրությունների փոփոխություն է տեղի ունեցել պատերազմից հետո, հաջողվե՞լ է պատրանքներից ազատվել ու ավելի իրատեսական լինել,
- Արդյո՞ք անցել ենք ժողովուրդ-ազգ-պետություն վերափոխման ճանապարհը,
- Ինչպես փոխվեցին Հայ Յեղափոխական Դաշնակցության մոտեցումները,
- Հայ դատականության վտանգները,
- Արդյո՞ք կա Արցախի անկախությանը հասնելու գործիքակազմ,
- «Անջատում հանուն փրկության» կամ կիրառելի՞ է արդյոք Կոսովոյի օրինակը,
- Զոհի բարդույթ. շարունակել փրկիչնե՞ր փնտրել, թե՞ հաշվի առնել Ադրբեջանի դիրքորոշումը,
- Ադրբեջանի դիրքորոշման բացերը. տարածքային ամբողջականություն առանց Ղարաբաղի ժողովրդի խնդիրների լուծման,
- Արդյո՞ք հայասիրությունը քաղաքական կատեգորիա է. պետականություն, որն առաջնորդվում է լոբբիստական կազմակերպության գործիքակազմով,
- Ինչպե՞ս սթափ մոտեցումները հասու դարձնել հասարակությանը,
- Մտավոր ահաբեկչություն,
- Չճանաչված ու չվերլուծված վախը որպես ռազմավարություն,
- Վախը որպես իշխանության գործիք. ԱՄՆ օրինակ,
- Պատերազմից առաջ և հետո իշխանությունների քայլերը ի՞նչ հանգամանքներով էին պայմանավորված,
- Արդյո՞ք իշխանություններն ակնկալում էին պատերազմ և դա համարու՞մ էին ընդունելի տարբերակ,
- Ղարաբաղի իշխանությունների պատասխանատվությունը բանակցությունների խափանման հարցում և հետպատերազմյան մոտեցումները,
- Անվտանգության և զարգացման իրատեսական ռազմավարություննե՞ր, թե՞ փափագների հավաքածու,
- Լևոն Տեր-Պետրոսյանի հրաժարականը. հնարավո՞ր են տնտեսական և այլ բարեփոխումները, երբ կա առկախված պատերազմի վտանգ:
Այս հաղորդաշարը պատրաստվել է Դեմոկրատիայի Ազգային Հիմնադրամի (ՆԵԴ) օժանդակությամբ։ Սույն նախագծի ընթացքում հնչած տեսակետները և դիրքորոշումները արտահայտում են մասնակիցների կարծիքը և կարող են չհամընկնել ՆԵԴ-ի և հեռարձակողի տեսակետների հետ։
