Գալիք արտահերթ ընտրությունները կարող են լինել ստեղծված ծանր իրավիճակից դուրս գալու, լարված և անկումային քաղաքական և հասարակական տրամադրությունները մեղմելու ճանապարհ։ Մեր փորձագետները իրականացրել են նախընտրական ծրագրերի համեմատական վերլուծություն և պատրաստել հեռուստահաղորդաշար՝ հանրությանը հնարավորություն տալով պատկերացում կազմել կուսակցությունների ծրագրերի և տեսլականների վերաբերյալ և կատարել կշռադատված ընտրություն։
«ԾՐԱ_ԳՐԱՅԻՆ» հաղորդաշարի շրջանակում այսօր քաղաքական ուժերի տնտեսական քաղաքականության շուրջ ծրագրային զրույց կունենանք տնտեսագետ Աշոտ Մարկոսյանի հետ:
ՔՆՆԱՐԿՄԱՆ ՀԱՐՑԵՐ
- Գիտեմ, որ մանրամասը ծանոթացել եք քաղաքական ուժերի տնտեսական ծրագրերին: Կարո՞ղ եք նախ
կիսվել Ձեր ընդհանուր տպավորություններով: Մասնավորապես` Հայաստանի ներկայիս իրավիճակը,
մարտահրավերներն ու հնարավորությունները բավարար կերպով հաշվի առնվա՞ծ են, որքանո՞վ են
ծրագրերը հասցեական և իրատեսական: - Բացի իմ կողմից հաղորդման սկզբում ներկայացրած ոլորտներից, կարո՞ղ եք առանձնացնել
նախընտրական ծրագրերում տեղ գտած այլ ոլորտներ, որոնց վերաբերյալ քաղաքական ուժերի
մոտեցումները որոշակիորեն տարբերվում են և/կամ արժանի են հատուկ ուշադրության [առաջարկում
եմ այստեղ մասնավորապես անդրադառնալ հանքարդյունաբերությանը]: - Գրեթե բոլոր քաղաքական ուժերը ներդրումների ներհոսք են խոստանում: Ըստ Ձեզ, Հայաստանն այսօր
օտարերկրյա ներդրողների համար գրավչություն ունի՞: Եվ արդյո՞ք քաղաքական ուժերի ծրագրերն այս
առումով բավարար առարկայական ու իրագործելի են: - Որքանո՞վ են նախընտրական ծրագրերում բալանսավորված պետական ծախսերն ու եկամուտները: Ավելի պարզ ձևակերպմամբ, ընտրողին հասկանալի դառնու՞մ է, թե որտեղից պետք է գոյանան տարբեր պետական ծրագրերին ուղղվող միջոցները և ո՞վ
է վճարելու դրանց համար:
