Պատմության տարբեր ժամանակահատվածներում, այդ թվում և նորագույն պատմության փուլում եղել են էթնիկ բնաջնջումներ, ցեղասպանության էպիզոդներ, մասնավորապես՝ 90-ականներին՝ տարբեր պատերազմների ընթացքում, գրանցվեցին էթնիկ բնաջնջման որոշ դեպքեր Հարավսլավիայում, Խորհրդային միության տարածքում, այնուամենայնիվ, միջազգային հանրությունը չէր կարող արձագանքել, քանի որ չկար որոշակի նորմ: Եղել են նաև դեպքեր, երբ պետություններն են միջամտել և արձագանքել մարդու իրավունքների խախտումներին, մի քանի օրինակ կարելի է բերել 70-ականներից, երբ Կամբոջայի հայտնի դիկտատոր Պոլ Պոտը ոչնչացնում էր բնակչության մեծ մասին՝ հաշվի առնելով ամենատարբեր հիմարագույն շարժառիթները, օր.՝ նա հրամայել էր ոչնչացնել մարդկանց, ովքեր ակնոց էին կրում, ուսուցիչներին, որոնք հնարավոր է դերակատար լինեին նրա դեմ քայլեր ձեռնարկելու, մարդկանց, ովքեր կարող էին քաղաքական որոշակի օրակարգեր առաջ տանել և այլն: Նա ոչնչացրեց մոտ 1,5 մլն մարդ, ոճրագործությունները կարող էին այդպես էլ շարունակվել, եթե հարևան պետությունը՝ Վիետնամը, չմիջամտեր և չկանխեր այդ գործողությունները…
