Հայաստանի օրենսդրության համաձայն եթե անձը կամ կազմակերպությունը լրատվամիջոցի դեմ բողոք ունի, եթե կարծում է, որ լրատվամիջոցը իրեն զրպարտել կամ վիրավորել է, կարող է ընդհուպ մինչև դատական ճանապարհով ֆինանսական կամ բարոյական փոխհատուցում պահանջել։ Սակայն կա նաև լրատվամիջոցների ինքնակարգավորման նախաձեռնություն, որը տեղեկատվական վեճերի լուծման այլընտրանքային տարբերակներ է առաջարկում, և որը կարող է օգտակար լինել և՛ լրատվամիջոցների, և՛ մեդիասպառողների համար։
«Մեդիա դիտորդ» փոդքասթի հերթական թողարկմանը այս թեմայով են զրուցում Խոսքի ազատության պաշտպանության կոմիտեի նախագահ, Լրատվամիջոցների էթիկայի դիտորդ մարմնի անդամ Աշոտ Մելիքյանը, մեդիայի իրավական հարցերով խորհրդատու Դավիթ Ասատրյանը և Հակոբ Կարապետյանը։
