Շատ կարևոր է, որ քաղաքացիներն իրենք գիտակցեն, որ համայնքն իրենք սեփականությունն է և տեր կանգնեն իրենց սեփականությանը: Այսինքն՝ տեր կանգնեն այն առումով, որ երբ որ իրենք չորս տարի ժամկետով ընտրում են (իսկ համայնքի ղեկավարի դեպքում նաև ընտրում ու վարձում են, որովհետև համայնքի ղեկավարը չորս տարի ժամկետով համայնքի բնակչության կողմից ընտրվելով, նաև իր աշխատակազմով հանդերձ աշխատավարձ է ստանում, որը ձևավորվում է համայնքի բնակչության կողմից վճարվող տուրքերի, հարկերի, … արդյունքում ) իրենց համայնքի կառավարչին: Երբ որ սեփականության տնօրինման կամ մեր խնդիրները լուծելու հարց է առաջանում, և եթե մենք պահանջատեր չենք, քաղաքացիական պահանջատիրություն ձևավորված չէ, ապա իշխանությունը կարող է դրսևորել կամայական պահվածք:
