Մահացած մարդկանց ԴՆԹ-ն և գենոմն այս մեթոդով ուսումնասիրելը նույնպես արգելվում է, որովհետև նման հետազոտության համար շատ կարևոր է մարդու համաձայնության առկայությունը: Եթե բժիշկն ուղարկել է այնպիսի հիվանդ, որը հետազոտվել է սրտանոթային հիվանդության գեները ստուգելու համար, բայց հետազոտության արդյունքում մենք լրացուցիչ հայտնաբերել ենք նաև փոփոխություն ԴՆԹ-ում մեկ այլ հիվանդության հետ կապված` օրինակ՝ քաղցկեղ, ապա իրավունք չունենք նման ինֆորմացիան տրամադրել հիվանդին, որովհետև նա առաջնային դիմել էր միայն սրտանոթային հիվանդության համար:
