Կրոնապաշտական գաղափարների խիստ զարգացումը, որը ձեռնտու էր եկեղեցուն, խնդրի առաջացման գործոններից մեկն է: Աշխարհիկ պետության պարագայում պետության և եկեղեցու նմանատիպ լայն սերտաճումը բացառելի է: Խնդիրն այն է, որ մենք ականատես ենք մի պարզ բանի. այսօր մեր եկեղեցին ամենամեծ ֆեոդալներից մեկն է երկրում: Մարդիկ այսօր անտեղի չեն բողոքում այսքան մեծ քանակությամբ կառուցվող եկեղեցիների դեմ: Բոլորիս հասկանալի կլինի, եթե փորձեր արվեն վերականգնել հին եկեղեցիները, որովհետև այս պարագայում գործ ունենք մշակութային արժեքների վերականգնման գործընթացի հետ: Սակայն այսօրվա զանգվածային չքավորության պայմաններում նոր եկեղեցիների կառուցումը մեղմ ասած անհասկանալի է:
