Հադրութի մտաքարտեզներին նվիրված նախագիծը մարդաբանների համար շատ հետաքրքիր գործընթաց էր, քանի որ միանգամից մի քանի գիտակարգեր էր ներառում՝ քաղաքի ուսումնասիրություններ (urban studies), բռնի միգրացիա և տրավմայի հետազոտություններ։ Մտաքարտեզների օգտագործումը զգացմունքային շերտեր է ավելացնում հարցազրույցի գործընթացին։ Դրանց միջոցով բարձրաձայնված շատ բաներ սովորական հարցազրույցի ժամանակ չէին հնչի, իսկ նկարելու ընթացքում դրանք ոչ միայն հնչում են, այլև վերապրվում՝ ունենալով որոշակի ամոքիչ ազդեցություն թե՛ հարցազրուցավարի, թե՛ մասնանկիցների համար։