«Կամավոր» հաղորդաշարի հերթական թողարկումը նվիրված է «Զարթնի՛ր» հասարակական կազմակերպությանը, որի նպատակն է Հայաստանի տարբեր համայնքների երեխաների համար հասանելի դարձնել ընթերցանությունը և դրանով զարգացնել նրանց քննադատական մտածողությունը։
Նախագծի շրջանակներում ներկայացվում են տարբեր կամավորական նախաձեռնություններ ու անհատ կամավորներ, որոնք, չխնայելով իրենց ժամանակը, հաճախ սեփական ռեսուրսների հաշվին ու ֆիզիկական աշխատանքով փորձում են օգնել կարիքավորներին, կրթել կամ բարելավել որևէ բնագավառ: Նախագիծը նպատակ ունի խրախուսել կամավորությունը Հայաստանում: «Կամավոր» շարքն իրագործվել է ԿԳՄՍ նախարարության հետ համագործակցությամբ:
