🔹 Ինչպե՞ս Թուրքիայում ծնված երեխային սկսեց հետաքրքրել ֆրանսերենը,
🔹 Որքանո՞վ է ֆրանսերեն սովորելը բարդ փորձառություն,
🔹 Ի՞նչ քննություններ հանձնելու անհրաժեշտություն կա Ֆրանսիայում բժշկական աշխատանքի անցնելու համար,
🔹 Ինչպե՞ս ստացվեց, որ 1988 թ․ ավերիչ երկրաշարժից հետո բժիշկ Գևորգ Աբգարյանը և այլ բժիշկներ Ֆրանսիայից Հայաստան եկան,
🔹 Ի՞նչ հանգամանքներում պրն․ Աբգարյանը երկրորդ անգամ եկավ Հայաստան, ապա նաև Արցախ,
🔹 Ի՞նչ գործունեություն է ծավալում Ֆրանսիայի Հայ բժիշկների միությունը, և բժշկական ի՞նչ բաժանմունքներ են հայաստանում բացվել այդ կառույցի ջանքերով,
🔹 Ի՞նչ հարցերով է զբաղվում Սանտե Արմենի հիմնադրամը,
🔹 Լեզվական ի՞նչ մարտահրավերների են հանդիպում Ֆրանսիայում աշխատել կամ կրթվել ցանկացող բժիշկները,
🔹 Որքանո՞վ է ֆրանկոֆոնիան ներկայումս տարածված հայաստանցի բժիշկների շրջանում,
🔹 Նաիրի ԲԿ-ում ուռուցքաբանության բաժանմունքի հիմնումն ի՞նչ նախապատմություն ունի,
🔹 Ո՞րն է ֆրանկոֆոնիայի դերը բժիշկ Աբգարյանի նախաձեռնած տարաբնույթ ծրագրերում,
🔹 Ի՞նչ նոր համագործակցություններ են սպասվում Հայաստանի և Ֆրանսիայի բժշկական ոլորտների միջև,
🔹 Ի՞նչ նպատակով ստեղծվեց Ֆրանս-հայկական դպրոցը, և ինչո՞ւ է այն կրում Հրանտ Դինքի անունը,
🔹 Ե՞րբ և ինչպե՞ս կայացվեց Հայաստանում մշտական բնակություն հաստատելու որոշումը բժիշկ Աբգարյանի ընտանիքում,
🔹 Գևորգ Աբգարյանը ինքնակենսագրական գիրք է հրապարակել հայերենով․ ի՞նչն է խնդիրը, որ այն դեռևս չի թարգմանվել ֆրանսերեն և հասանելի չէ ֆրանկոֆոն ընթերցողին։
«Բուն զրույց.ֆրանկոֆոնիա» հաղորդաշարի հերթական թողարկմանը այս հարցերի շուրջ են զրուցում Արփի Նանյանը և անեսթեզիոլոգ, ռեանիմատոլոգ, ՖՀԲՄ-ի Ֆրանսիայի Հայ բժիշկների միության նախկին նախագահ, Սանտե Արմենի հիմնադրամի
նախագահ Գևորգ Աբգարյանը։
Ինչպե՞ս է Հայաստանը կապիտալացնում Ֆրանկոֆոնիան։ Ո՞րն է Ֆրանկոֆոնիայի դերը Հայաստանի զարգացման գործում։ Սրանք են այն հարցերը, որոնց անդրադառնում ենք «Բուն զրույց․ֆրանկոֆոնիա» հաղորդմանը զարգացման տարբեր ծրագրերում ներգրավված մեր ֆրանսախոս հյուրերի հետ։
