1990-ականներին Հայաստանում կյանքը շարունակվում էր սոցիալ-տնտեսական ու պատերազմական ծանր պայմաններում։
Հայկական ֆուտբոլը նույնպես, չնայած բոլոր դժվարություններին, շարունակում էր առաջ շարժվել ու նույնիսկ հաղթանակներ գրանցել։
Վահան Ղարիբյանի «Հայոց ֆուտբոլի պատմություն» փաստագրական ֆիլմաշարը մի հետահայաց անդրադարձ է Հայաստանի անկախացումից մինչև մեր օրերը ֆուտբոլի զարգացման և կայացման բարդ ու հաճախ հակասական հարցերին, դրա սոցիալական և քաղաքական համատեքստին և իհարկե, արդեն լեգենդար համարում ունեցող ֆուտբոլիստներին՝ Արմեն Շահգելդյան, Արթուր Պետրոսյան, Համլետ Մխիթարյան, անվանի մարզիչ Յան Պորտերֆիլդին և այլն։
