Մայիսի 9-ի փողոցի պատմության, Սահակ Սահակյանի տուն-թանգարանի, 1947 թ․ Լիբանանից, Բուլղարիայից, Հունաստանից հայրենադարձված և 3-րդ մասում հանրահայտ Փոս թաղամասում հաստատված մարդկանց ու նրանց զբաղմունքների, թաղամասի բազմալեզու և բազմամշակույթ լինելու և այլ հետաքրքիր թեմաների մասին է պատմում արձակագիր Սպարտակ Ղարաբաղցյանը։
«Մեր թաղը» հաղորդաշարը նվիրված է Հայաստանի տարբեր քաղաքների թաղերին ու բակերին: Ամեն հաղորդման ընթացքում ճանաչված մարդիկ պատմում են իրենց թաղի, այդտեղ ապրող մարդկանց, նրանց նիստուկացի մասին` վերհանելով մարդու ու միջավայրի կապը և ցուցադրելով քաղաքային միջավայրի փոփոխությունը: Հաղորդման հերոսը ոչ թե մարդն է, այլ այդ մարդու պատմությունը իր թաղի մասին:
