Ինձ համար մեծ դեր ունի իմ հագուստի բրենդը, որով արդեն երկու տարի է լուրջ զբաղվում եմ, այն իրենից ներկայացնում է շատ գունեղ հագուստ, որը կապ ունի լուսանկարչության հետ․ ես միշտ սեր եմ ունեցել հագուստի հետ ու միքս եմ արել իմ ամենասիրած երկու գործերը՝ լուսանկարչությունն է ու նորաձևությունը, ու դա ահագին ստացվել է, կարելի է ասել։ Այսինքն՝ տպագրված ֆոտոն տեղ է գտնում հագուստի վրա, ոչ բոլորը, օրինակ՝ հուդիներ եմ շատ անում, կոլեկցիաներ են եղել, որ ֆոտոներ չի եղել դրանց վրա, բայց հիմնականում ջինսե կուրտկաներ են, որոնց մեջքի վրա կա այդ art-photography-ն ու հենց ժապավենով արված, իննսունինը տոկոսը ժապավենով արված ֆոտոներ են։ Այսինքն՝ հա՛մ լուսանկարչությամբ եմ զբաղվում, հա՛մ այդ հագուստով։
Ֆոտոֆեստ. ժապավենից՝ թվանշային․ Դամիան Հովհաննիսյան
ՖՈՏՈՖԵՍՏ լուսանկարչական փառատոնի 2021թ. թողարկումը կրում է «ժապավենից՝ թվանշային» խորագիրը: Փառատոնի շրջանակում 10 լուսանկարիչ կիսվել են իրենց գործունեության գաղտնիքներով, գիտելիքներով ու հմտություններով, պատմել են ընթացիկ ծրագրերի և նշանակալի ստեղծագործությունների մասին։
Հեղինակներ՝ Զավեն Խաչիկյան, Արմեն Տեր-Մկրտչյան, Թորոս Խաչատրյան, Անդրանիկ Քեշիշյան, Նազիկ Արմենակյան, Դամիան Հովհաննիսյան, Ալեք Լևասգանի, Սուրեն Մանվելյան, Արամ Կիրակոսյան, Անի Գևորգյան
Ծրագրի համադրող՝ Վահե Բուդումյան
«Ֆոտոֆեստ» լուսանկարչական փառատոնը ՀայԱրտ մշակութային կենտրոնի նախագիծն է։
