Կանանց ուղղորդում են, պատրաստում են ընտանեկան ֆունկցիաները կատարելու համար՝ հաշվի չառնելով նրանց սեփական ցանկությունները: Պատրիարխալ համակարգում դաստիարակված կանանց զգալի մասը ինֆանտիլ է մնում: Կանայք միայն իրենց հանձնարարված դերն են կատարում՝ հաջող կամ անհաջող: Կրկնօրինակելով տղամարդկային աշխարհի մոդելները՝ կինը հարաբերական անվտանգություն է ձեռք բերում: Կինը մարմնավորում է կենցաղը. նա պիտի հարմարավետություն ապահովի, հակառակ դեպքում քննադատության թիրախ է դառնում:
Հասկանալու համար՝ ինչ է ուզում կինը, նրան պիտի վերադարձվեն բոլոր այն հնարավորությունները, որոնցից նա զրկված է եղել դարեր շարունակ:
