«Թատերական խաչմերուկ» հաղորդաշարի ութերորդ թողարկումը նվիրված է «Մորգանի խնամին» ներկայացմանը։ Զրուցում են Տաթև Ժաքյանը և Հ. Պարոնյանի անվան երաժշտական կոմեդիայի պետական թատրոնի արտիստներ Անի քոչարյանը, Արթուր Կարապետյանը և Սաթիկ Հախնազարյանը:
«Մորգանի խնամին» երաժշտական կատակերգություն է` 2 գործողությամբ: Հիմնվում է Ալեքսանդր Շիրվանզադեի համանուն պիեսի վրա. մի սնանկացած երբեմնի մեծահարուստ, հեղափոխությունից հետո հայտնվելով Փարիզում, երազում է դառնալ Մորգանի խնամին: Բեմադրությունը` ՀՀ ժող. արտիստ Երվանդ Ղազանչյանի:
Հեռուստաքննարկումների նկարահանումն իրականացվել է Գյումրու միջազգային թատերական փառատոնի շրջանակում՝ ապրիլի 24-ից մայիսի 10-ը։
