«Թատերական խաչմերուկ» հաղորդաշարի հինգերորդ թողարկումը նվիրված է «Համլետ» ներկայացմանը։ Զրուցում են Տաթև Ժաքյանը և Երևանի Կամերային թատրոնի արտիստներ Սենիկ Բարսեղյանը, Լուիզա Ներսիսյանը, Դավիթ Աբրահամյանը և Ավետ Զոհրաբյանը:

«Համլետ»՝ շեքսպիրյան պոեզիա՝ համեմված երնջակյանական դրամատուրգիայով: Պիեսը, որը գրվել է շուրջ 400 տարի առաջ, միևնույն է պահպանել է իր սուր արդիականությունը: Այստեղ արծարծվում են խնդիրներ, որոնք արդիական են այսօր ու արդիական կլինեն մինչև մարդկության պատմության մայրամուտը: Եսասիրությունն ու պատեհապաշտությունը բոլոր ժամանակների մեծագույն ողբերգություններն են:

Հեռուստաքննարկումների նկարահանումն իրականացվել է Գյումրու միջազգային թատերական փառատոնի շրջանակում՝ ապրիլի 24-ից մայիսի 10-ը։