Փոքրուց ջութակահար դառնալու ցանկության, հարազատ գործիքի հանդեպ ունեցած առանձնահատուկ վերաբերմունքի, ֆիլհարմոնիկ նվագախմբին միանալու, դիրիժոր-նվագախումբ և մենակատար-նվագախումբ հարաբերությունների մասին է պատմում ՀԱՖՆ առաջին ջութակահարների խմբի կոնցերտմայստեր Արամ Ասատրյանը։
Բուն TV-ի և Հայաստանի ազգային ֆիլհարմոնիկ նվագախմբի համատեղ «Ֆիլհարմոնիկ» նախագիծը պատմում է նվագախմբի երաժիշտների, նրանց անցած ճանապարհի, երաժշտական գործիքների ու աշխատանքային առօրյայի մասին՝ նպատակ ունենալով նոր կողմից բացահայտել Ազգային նվագախումբը։ «Ֆիլհարմոնիկ» նախագիծը բարձրակարգ երաժշտություն լսելու և նվագախմբի արհեստավարժ երաժիշտներին ճանաչելու աննախադեպ հնարավորություն է։
