Սահմանամերձ գյուղ Բերդավան. այստեղ օրերն անցնում են կրակոցների և մշտական լարվածության ներքո: Գյուղի երիտասարդության խնդիրներից խոսում է ավագ սերունդը, քանի որ երիտասարդները խոսելու ցանկություն չունեն: Գյուղի ապագան հարցականի տակ է՝ աշխատանքի և զբաղվածության բացակայության, գյուղի երիտասարդության հիասթափության և նախաձեռնող չլինելու պատճառով: Ֆիլմի ռեժիսորը ցանկանում է իր ֆիլմով ևս մեկ անգամ հանրային ուշադրությունը գրավել սահմանամերձ գյուղերի խնդիրներին: «Գիտեմ, որ թեման ծեծված է, սակայն որևէ լուծում այս խնդրին տրված չէ»: Ֆիլմի որոշ տեսարաններ նկարված են հարևան Բագրատաշեն գյուղում:
