Հայ ժամանակակից գրականությունը բավարար արժեքավոր էառանց ամաչելու այն աշխարհին ներկայացնելու համար։ Ու դրա լավագույն միջոցը կարող է լինել հայկական մշակույթը օտարներին գիտական ֆանտաստիկայի միջոցով ներկայացնելը, այսինքն հայ ժամանակակից գրականությունը հենց ֆանտաստիկայի տեսքով արտահանելը։ Այս ժանրում ստեղծագործող հեղինակ Լուսինե Շահնազարյանը բնակվում է ԱՄՆ-ում ու հրաշալի գիտի այնտեղ գրատպության ներքին խոհանոցը։ Մեր նոր թողարկմանը զրուցում ենք գիտաֆանտաստիկ գրականության ներկայի, մանկապատանեկան ֆանտաստիկ գրականության ու մեր մշակույթի այդ դեռևս լավ չբացահայտված շերտի մասին։
Արման Գասպարյանի հեղինակային «Ֆանտաստիկ փոդքաստ»-ի ընթացքում քննարկվում են տարբեր գրքեր, ֆիլմեր, համակարգչային խաղեր, կոմիքսներ և առհասարակ այն ամենը, ինչ հետաքրքրում է կամ կարող է հետաքրքրել գիքերին։
