Լիլիթ Ղազարյանը Լոս Անջելեսի կալիֆոռնյան համալսարանում լեզվաբանական մարդաբանություն է ուսումնասիրել և հեղինակել է գիտական մի շարք հետաքրքիր հետազոտություններ։ Ներկայումս Լիլիթը Հնագիտության և ազգագրության ինստիտուտի կրտսեր հետազոտող է։
«Գիտության մարդիկ» հաղորդաշարի հերթական թողարկմանը Լիլիթը Աննա Սահակյանի հետ զրուցում է հետևյալ թեմաների շուրջ․
🔹Ինչպե՞ս իր մոտ արթնացավ հետաքրքություն դեպի լեզվաբանությունը։
🔹Ի՞նչ հարցերի է անդրադառնում լեզվաբանական մարդաբանությունը։
🔹Ի՞նչ դեր ունի երկարատև մշտադիտարկումը մարդաբանության մեջ։
🔹Ի՞նչ հետազոտություններ է հեղինակել ԱՄՆ-ում և Հայաստանում։
🔹Ինչպե՞ս որոշեց ԱՄՆ-ից վերադառնալ և գործունեությունը շարունակել Հայաստանում։
«Գիտության մարդիկ» հաղորդաշարը հարցազրույցների շարք է Հայաստանի գիտնականների հետ։ Շարքի հյուրերը պատմում են իրենց մասնագիտական ընտրությունից, գիտական գործունեությունից ու հետաքրքրություններից։
