Ինչպիսի՞ն է սուրճի հանդեպ վերաբերմունքը Իսպանիայում և Հայաստանում, մարդու ինքնության հետ կապված ի՞նչ պատկերացումներ կան, և ինչքանո՞վ է ազգային պատկանելությունը կապված մարդու ինքնության հետ, ի՞նչ ընկալումներ կան մարդկության՝ դեպի արմատները վերադառնալու մասին, ի՞նչ գաղափարներ են հիվանդագին կերպով շահարկվում հայ հասարակությունում, ի՞նչ գրականությամբ են տարիներ շարունակ կրթվել հայկական դպրոցների աշակերտները, և ի՞նչ խնդիրների է հանգեցրել դա, ինչո՞ւ են մերօրյա երևանյան ցույցերը ընդդեմ մարդկային ազատությունների, ինչո՞ւ է ամենասովորական սերը առաջադիմություն ընկալվում մեզանում, այս և այլ հետաքրքիր թեմաներ են քննարկում Նազելի Օհանյանը և լուսանկարիչ Ալեք Բայանդուրյան-Լևասգանին։
Հայաստանում գրեթե ամեն ինչ քննարկվում է սուրճի սեղանի շուրջ: Սրճախմությունն իրականում հանդիպելու, շփվելու, հաղորդակցվելու առիթ է: «Կոֆե՞ Կենտրո՞ն. Նազելիի հետ» հաղորդաշարում տարբեր ոլորտի, մասնագիտության ու ներաշխարհի մարդիկ խոսում են իրենց փորձառությունից ու աշխարհընկալումներից, ինչպես նաև շաբաթվա ընթացքում ամենաշատ շրջանառվող ու քննարկվող թեմաներից:
Նկարահանումն իրականացվել է :Բուն ակումբում:
