Հրեաները, ի տարբերություն հայերի, այլ շեշտադրումներ ունեն, որոնք 1953թ. քննարկեց քնեսեթը և որոշեց, թե ինչպես նշել, ինչպես հիշատակել հոլոքոսթի զոհերի օրը: Նախ՝ այն որոշեցին կոչել հոլոքոսթի զոհերի և հերոսների հիշատակի օր: Այդ հիշատակի օրը չունի կոնկրետ մեկ օր, փոփոխական է, և այն միջանկյալ դիրք է գրավում Վարշավայի գետոյի ապստամբության սկզբի և Իսրայելի անկախության հռչակման օրերի միջև: Այս երկու փաստերի շեշտադրումն էլ կապված են պայքարի թեմայի հետ՝ ի տարբերություն հայոց պարագայի, երբ ապրիլի 24-ը հայ մտավորականության ձերբակալության և ապա՝ ոչնչացման օրն էր Անատոլիայի տարածքում…
