ժամանակակից արվեստն ունի սոցիալ-հասարակական կողմնորոշում, և բնորոշվում է նոր տեխնոլոգիաների կիրառմամբ, այն այսօր կարծես գլոբալ, բազմամշակութային և տեխնոլոգիապես հագեցած աշխարհի մի խորհրդանիշ է և առանձնանում է նյութերի, առարկաների, մեթոդների դինամիկ համադրությամբ: ժամանակակից արվեստի գործի հետ հարաբերման ժամանակ այն հարցերը, որոնք որ մեծ մասամբ առաջանում են ավանդական կամ դասական արվեստի գործի հետ հարաբերվելիս, «ի՞նչ է պատկերված», «ի՞նչ է քանդակված» հարցը փոխարինվում է «ինչպե՞ս է քանդակված», «ինչպե՞ս է նկարված», «ի՞նչ նյութով», «ի՞նչ տեխնիկայով», «ի՞նչ միջոցներ է կիրառել արվեստագետը», «որտե՞ղ է արված տվյալ գործը», «որքա՞ն է տևում» և «ի՞նչ գաղափար է արտահայտում»:
