«Ֆոտոալբոմ» հաղորդման հաջորդ հյուրը Հայաստանի առաջին հանրապետության ամենաականավոր ռազմական գործիչներից մեկի՝ Երո Խարազյանի ժառանգ Արմինե Աբրահամյանն է, ում հետ բացահայտում ենք Խարազյանների ընտանիքի և մասնավորապես՝ Նախիջևանի իքնապաշտպանական մարտերի մասնակից Երոյի պատմությունը․ մի մարդ, ում կյանքն ու կենսագործունեությունը փոխկապակցված է տասնյակ հայորդիների ընտանիքների փրկության հետ։
Ո՞վ ենք մենք և ո՞ւր ենք գնում։ Հաճախ տրվող այս հարցերի պատասխանները տարբեր կարող են լինել։ Էլ ավելի հաճախ այդ հարցերի պատասխանները բխում են ընտանիքի անցյալից։ 21-րդ դարում ընտանիքի անցյալն ուսումնասիրելու համար միջոցները շատացել են, իսկ մենք առաջարկում ենք դրանց հետ աշխատանքի լուծումներ։ «Ֆոտոալբոմ» հաղորդաշարը բացառիկ ճանապարհորդություն է՝ դեպի անցյալ՝ հին հարցերին նորովի պատասխանելու հույսով։
