Եվրոպայում, խաչակրաց արշավանքներից առաջ, տեղի իշխանների զորքերն այնքան էին շատացել, որ հոգևորականությունը որոշում է այդ ամբողջ բացասական էներգիան ուղղել Եվրոպայից դուրս: Ուրբանոս Բ պապը խաչակրաց արշավանք է հայտարարում: Նմանատիպ իրավիճակ էր նաև իսլամական արևելքում, երբ ռազմական եղբայրությունների դերը և քանակը այնքան էր աճել, որ հարկավոր էր ինչ-որ կերպ նրանց հանդարտեցնել: Հոգևոր իշխանությունը ստեղծում է մի նոր գաղափարախոսություն սուֆիզմի՝ իսլամական միստիցիզմի շրջանակներում, որով փորձում է այարականության գաղափարախոսությունը բերել հոգևորի ծիր: Հասնում է նրան, որ Ալնասիր խալիֆը ֆոթովաթը համարում է ամբողջ խալիֆայության պաշտոնական գաղափարախոսություն:
