«Երկիր Նաիրի» շարքն ամբողջությամբ նվիրված է Եղիշե Չարենցի հանրահայտ վեպին և այն դիտարկում է տարբեր համատեքստերում և տարբեր տեսանկյուններից: Տասներեքերորդ թողարկման մեջ հաղորդավար, գրականագետ Թագուհի Ղազարյանը և ռեժիսոր Ռուբեն Բաբայանը վերլուծում են վեպը` կենտրոնանալով մեր ժամանակներում վերընթերցման և երկու իրականությունների միջև հնարավոր զուգահեռների վրա:
Գուցե ճիշտ որ՝ միրաժ է Նաիրին, ֆիկցիա, միֆ. ուղեղային մորմոք, սրտի հիվանդություն… Իսկ նրա փոխարեն — կա այսօր մի երկիր, որ կոչվում է Հայաստան, և այդ հին երկրում ապրել են երեկ և ապրում են այսօր շատ սովորական մարդիկ՝ սովորական մարդու սովորական հատկություններով։ Եվ ուրիշ — ոչինչ։
Եղիշե Չարենց
