«Լիտոպեդիա» բանասիրության հանրագիտարան. բանասիրական հայերեն առցանց նախագիծ: Լիտոպեդիա բանասիրության հանրագիտարանը անընդհատ համալրվող բանասիրական տեղեկույթ պարունակող առցանց հանրագիտարան է, որտեղ զետեղվում են նաև հեղինակային բնագրեր:
Ստեղծվել է 2011 թվականի հունվարի 28-ին Աշոտ Գաբրիելյանի նախաձեռնությամբ: Նախաձեռնողները նպատակ ունեն ստեղծել բանասիրական գիտելիքների հնարավորին ընդգրկուն և ամբողջական ազատ շտեմարան, որից անհրաժեշտ տեղեկատվություն կարող է քաղել ցանկացած հայերեն ընթերցող: Լիտոպեդիան տրամադրում է գիտելիքներ, որոնք օգտակար կարող է լինել ինչպես աշակերտներին, բանասիրական ֆակուլտետների ուսանողներին, այնպես էլ առավել լայն շրջանակների:
