«Երեխաների ձայնը» հաղորդաշարը նվիրված է երեխաներին, դեռահասներին և պատանիներին։ Նախագիծը փորձ է բարձրաձայնել ու խոսել Հայաստանում ապրող երեխաներին հուզող հարցերի մասին իրենց իսկ ձայնով և մասնակցությամբ։ Այն մի հարթակ է, որտեղ Հայաստանի տարբեր մարզերից ու Երևանից երեխաները միավորվում են որպես այդ հարցերի փորձագետներ` կիսելով իրենց մտքերը, ապրումներն ու պատկերացումները, մատնանշելով խնդիրներ ու առաջարկելով լուծումներ։ Յուրաքանչյուր հաղորդումը հնարավորություն կտա առնչվելու երեխաների նոր, հետաքրքիր ու տարբերվող աշխարհների հետ և այդ գանձարանից հետաքրքիր ու յուրօրինակ մտքեր վերցնել:
