Ժորժ Բատայ, Մորիս Բլանշո. Ո՞վ է վերապրողը. Մարկ Նշանեան

Ո՞վ է բացարձակ վերապրողը: Այն մեկն է, որ չի ժխտում, չի հերքում ինքն իր մեջ իր վերապրող լինելը, այսինքն իր անկարելիությունը, անկարողությունը ինքն իր վկան լինելու:

Հետաղետյան վերապրողները ամենօրյա կյանքի՝ մեր հայրերը. իրենց համար անհրաժեշտ էր հերքելու իրենց հետ պատահածը արմատապես, կառուցային ձևով, եթե ոչ, ուղղակի նշանակում էր անձնասպան լինել: Եվ ուրեմն վերապրողը տարօրինակ կերպով, այն, որ բացարձակը չի, այն, որ հերքում է, շատ պարզ է, հերքում է ինքն իրեն՝ որպես վերապրողի՝ հերքելով, որ իր մեջ մեռցված է վկայելու հնարավորությունը: Եվ ինչպե՞ս է հերքում: Վկայելով: Մենք միշտ կարծում ենք, որ սովորական վերապրողը պետք է վկայի, և ուրեմն գնում ենք միկրոներով, ինտերվյուներ անում, իր վկայությունները պահում դարաններում ու գզրոցների մեջ, հետո երբեմն հրատարակում ենք, ամերիկյան համալսարանները լեցուն են և՛ հայկական, և՛ հրեական ողջակեզի ու բնաջնջումի վկայություններով, և վերստին ու վերստին կազմակերպում են արշավներ՝ հավաքելու այդ վկայությունները: Եվ ամեն մարդ կարծում է, որ
վերապրողը պետք է վկայի, այնինչ ոչ մեկ չի անդրադառնում այն կետին, որ ճիշտ հերքումն է վկայողի էությանը:

Վկայողը մասնակցում է իր իսկ հերքումին: Եվ ուրեմն պատասխանում է, հակազդում պարտադրանքին, որ ասում է իրեն՝ ՊԱՏՄԻ՛Ր: Ինչպես մերոնք էին գնում և այդ 80-90 տարեկան տատիկներին, ովքեր երբեք բառ չէին պատմել, որովհետև անկարելի էր խոսելը, հարցնում էին.
– Դուք բռնաբարվեցի՞ք:
Եվ իննսունամյա այդ կինը, որ ամբողջ կյանքի ընթացքում բառ չէր ասել այն մասին, որ բռնաբարված է, այդ պահին այդ երիտասարդ լակոտին պետք է ասեր, որ բռնաբարվեց 1915-ին:

Դիտեք նաև՝

Կառնուտի դամբարանները․ թաղման ծեսի մասին | Լևոն Աղիկյան

Կառնուտի դամբարանները․ թաղման ծեսի մասին | Լևոն Աղիկյան

Ինչո՞ւ «Շենգավիթյան մշակույթը» վերանվանվեց «Կուր-Արաքսյանի», ինչո՞ւ է կարևոր դամբարանների ուսումնասիրությունը, ի՞նչ հիմքով են դամբարանները համարվել ընտանեկան,...

Սփիւռք․ Քննական անդրադարձներ | Կոստան Զարեան

Սփիւռք․ Քննական անդրադարձներ | Կոստան Զարեան

Կոստան Զարեանի գրական վաստակն ու մտաւորական գործունէութիւնը մշակութային եւ աշխարհագրական առումներով համաշխարհային ընդարձակութիւն կը դրսեւորեն։ Նարինե...

Քաղգրականություն. «Ինչպես են պետությունները մտածում»

Քաղգրականություն. «Ինչպես են պետությունները մտածում»

🔹 Արդյո՞ք Ռուսաստանի հարձակումը Ուկրաինայի տարածքի վրա կամ Գերմանիայի կողմից ԽՍՀՄ ներխուժումը պայմանավորված էին ռացիոնալ դրդապատճառներով։🔹 Առհասարակ...