Մեկ ազգ, երկու պետությո՞ւն. Մանվել Սարգսյան, Գեղամ Բաղդասարյան

Մեկ ազգ, երկու պետությո՞ւն. Մանվել Սարգսյան, Գեղամ Բաղդասարյան

Երբ 1990թ. Հայաստանում ընդունվեց անկախության հռչակագիրը՝ հիմք դնելով անկախ պետականության կերտման սկիզբը, հռչակագրում գրված էր, որ մենք մեր դարավոր իղձերն ենք ուզում իրականացնել: Այսինքն դարերով, ըստ էության՝ 13-րդ դարից՝ Անիի կործանումից հետո, անընդհատ ժողովրդի մեջ կար նման գաղափար, ամեն դեպքում այսօր այդպես է ընկալվում, որ հարյուրավոր տարի անց մենք հռչակում ենք այսպիսի մի պետության սկիզբ: Եթե վերցնեք ուրիշ պետության օրինակ, կտեսնենք, որ մարդիկ այնտեղ ուրիշ դրդապատճառներ ունեին: Հետաքրքիր է, օրինակ, Միացյալ Նահանգների խնդիրը, իրենց հռչակագրում կարդում ենք, որ մարդիկ եղել են բրիտանական գաղութ, և այդ տարածքում ապրողները դիմում են իրար, դիմում են տարածքի նախկին գաղութատերերին, որի զորքերը քշել են, և դիմում են մարդկությանը, որ մենք դարեր ի վեր ապրել են այստեղ և ստիպված ենք ստեղծել մեր պետությունը այս և այս հիմքերի վրա, որովհետև բրիտանական թագավորի կամ թագուհու զորքերը այսքան ժամանակ մեզ արգելում էին՝ թույլ չտալով այս տարածքում հաստատել օրենք ու արդարադատություն: Ահա սա էր խնդիրը. ստեղծում են պետականություն, որովհետև կարիք ունեն օրենքի և արդարադատության և ոչ թե իղձեր են իրականացնում և այլն:

 Հայաստանի քաղաքացիները զինակոչվում էին Լեռնային Ղարաբաղի հանրապետության տարածքում ծառայելու համար: Կարծես՝ ինչ էր եղել, մի բանակ է, մի թշնամի, բայց երբ դատական պրոցեսներ սկսվեցին, Հայաստանի քաղաքացի զինվորն, օրինակ, հանցագործություն է կատարել այնտեղ և պետք է դատվի: Երբ դատի խնդիրները դրվել են, առաջին անգամ մարդիկ հասկացել են՝ ինչ է նշանակում իրավական կատակ պետության հետ, որովհետև դեպքեր են եղել, երբ հանցագործություն կատարողն ու վերջինիս բարեկամները չեն ճանաչել դատարանի որոշումը՝ ասելով դուք Հայաստան չեք, մենք չենք ենթարկվի, ահա այդ ժամանակ, 2000-ականներն էին, մարդիկ հասկացան, որ դատական համակարգը գոնե պետք է ամբողջությամբ օրենքի վրա դնել, և այդ ժամանակ ստեղծվեց Սյունիքի միացյալ դատախազությունը, որ եթե Արցախի տարածքում կատարվի հանցագործություն Հայաստանի քաղաքացու կողմից, Հայաստանի օրենքներով դատվի, և վճիռը ճանաչվի:

Մեկնաբանություններ

Մեկնաբանել

Share Button

Դիտեք նաև՝

Մեկնաբանել

Your email address will not be published. Required fields are marked *