Աննա Դավթյան. Նրանց աչքերի մեջ կամաց բացվելու է…

Աննա Դավթյան. Նրանց աչքերի մեջ կամաց բացվելու է…

***
Նրանց աչքերի մեջ կամաց բացվելու է
այլ աշխարհների ծաղիկը,
հետո կբացվեն դաշտեր:
Դրանք տարածքներ են, ուր մտնում են մենակ,
բայց մենակ չեն մնում՝
ինչ-որ անանուն բանի շնորհիվ:
Մենք չգիտենք՝ ես և իմ աշակերտները,
մինչև ես անվանում եմ բաներ,
որոնց անուններն ինձ համար նախապես պարզ չեն եղել:
Ես նրանց չեմ սովորեցնում ոչինչ,
պարզապես նրանց հետ եմ,
քանի որ պետք է, որ միասին լինենք:
Արևածաղիկ՝ մեղուների համար ամառվա մեջ:
Նրանց աչքերին կամաց կբացվի
այլ աշխարհների ծաղիկը՝
ժամանակավոր անուններով, որ դրեցինք:
Նրանք ինձ կներեն,
ես միայն ուսուցիչ եմ:

Մեկնաբանություններ

Մեկնաբանել

Share Button

Դիտեք նաև՝

Մեկնաբանել

Your email address will not be published. Required fields are marked *